Monday, May 21, 2012

අසාමාන්‍ය සිදුවීම්


උත්පත්තියෙන් කතෝලිකයෙකුව ඉපිද, ප්‍රඥාව මෙහෙයවා බුදු දහමේ ඇති සත්‍යතාවයත්, එහි අඩංගු විමුක්තියත් දොහොත් මුදුන් දී පිලිගත් කිරිබත්ගොඩ ඥාණානන්ද යතිවරයාණන් වහන්සේ පිළිබඳව අමුතුවෙන් හැඳිවීමක් අනවශ්‍යය.  උන්වහන්සේ මේ දක්වා සිදුකොට ඇති බෞද්ධ ප්‍රබෝධය යොමු කොට ඇත්තේ විශේෂයෙන්ම තරුණ පරම්පරාවටය.   ඒ ගැන සකල ශ්‍රී ලංකා බෞද්ධ ජනතාවම උන්වහන්සේට කෘතඥ විය යුතුය.  උන්වහන්සේ පිළිබඳව උපහාසාත්මක අන්දමින් හඳුන්වන්නෝද නැත්තේ නොවේ.  අපි ඒ පින්වතුන්ට අනුකම්පා කරමු.   අපේ මේ රටේ මෙතෙක් නොවූ පරිද්දෙන්   සිල් සමාදන් වීමේ අගය, ආමිස පූජාවන්ට වඩා වැදගත් බව මෑතකදී ලාංකිකයන්ට පෙන්වා දුන්නේ උන්වහන්සේය.  මේ සටහනේ අභිලාෂය ඥාණානන්ද ගුණකථනයක් නොව, අපට අපේ සම්මා සම්බුදු රජාණන් වහන්සේ දායාද කල බුද්ධ ධම්ම සංඝ යන මේ තෙරුවන්හි බලය අකාලිකව, සෑම කල්හිම අපට ලැබෙන බව ඔබට යලිත් මතක් කර දීමටය.  නවීන විද්‍යාවේ අනුසාරයෙන් නිපදවෙන මෙවලම් රාශියක් දිනපතා අද දින වෙළඳ පොලට සම්ප්‍රාප්ත වෙයි.  ඒවා අතුරෙන් නවීන මාදිලියේ රූප වාහිනී යන්ත්‍ර, ප්‍රාථමික කටයුත්ත (සන්නිවේදනය  ) ඉක්මවූ දුරකථන, ආදී වූ බොහෝ සෙයින් අනවශ්‍ය භාණඩ වෙළඳ පොලට පැමිණ ඇත්තේ පාරිභෝගිකයා රවටා ඔහුගේ මුදල් ගසා ගැනීමේ අභිලාෂයෙනි. මෙයින් මිනිසාට ඇති යහපතක් නැත.  මිනිස් සිත ඉතාමත් ඇලෙන සුළුය.  සිත පිනවන යමක් දුටු විට එහි ඇලෙන සිත එය තමා සතු කර ගැනීමේ අභිලාෂයෙන් කටයුතු කරන්නේ බොහෝවිට සහජයෙන්මය.  ඒ දුටු දෙය මිලදී ගැනීමට අපහසු නම් වෙනත් මාර්ගයකින් එය ලබා ගැනීමට උත්සාහ කරයි.  බුදු රජාණන් වහන්සේ දේශනා කල අභිධර්මයට අනුව මේ කාර්යය උදෙසා බිහිවන චිත්ත පරම්පරාව අකුසල වශයෙන් බිහි වුවත් එය උදෙසා කිසි කෙනෙක් කිසිම තැකීමක්ද නොකරයි. තමා පවක් කල බවක්වත් තමන්ට නොතේරෙයි.  බෞද්ධ යයි සම්මත රටක ඇති බෞද්ධ තාවය මෙසේය.  මේ වැනි සමයෙක උපන් කිරිබත්ගොඩ ඥාණානන්ද තෙරණුවෝ නවීන තරුණ පරම්පරාවට මුදුන් මල් කඩක් වැන්න. 
අපේ මේ කුඩා රටේ නීති විරෝධී ගිනි අවිද අධික වශයෙන් භාවිත වන බව  නොරහසකි.  ඒවායින් සිදුවන මිනී මැරුම්ද අප්‍රමාණය. මෙසේ සලකා බලන විට මේ රට අතිශයින්ම දූෂිත රටක් ලෙස නම් කරාට වරදක් ඇතැයි මම නොසිතමි.  ආසියාවේ ආශ්චර්යය මෙයදැයි වරෙක මට සිතෙයි.  නමුත් දේශපාලන විසඳුම් මට අයිති නැත.  මෙවන් සමයෙක අපේ කිරිබත්ගොඩ ඥාණානන්ද ස්වාමීන් වහන්සේ හම්බන්තොට බූන්දල මහ වන මැද පිහිටි ඥාණවීර කුටියේ රැයක් ගත කිරීමට ගත් තීරණය ඉතාම පුදුම සහගතය.  මේ අවස්ථාවේදී ඥාණවීර කුටිය පිළිබඳව ඉතා සරල හැඳින්වීමක් දක්වන්නේ ඒ පිලිබඳව නොදන්නා   අය  ඇති බැවිනි.  දෙවැනි ලෝක මහා යුද සමයේ ඉතා කුලුපග වූ නිලධාරීන් දෙදෙනෙක් විය.  එයින් කෙනෙක් බ්‍රිතාඤ්ඤ ජාතික රොබට් මුවර්  (Robert Moore) වූ අතර අනෙකා  සහ බ්‍රිතාඤ්ඤ ජාතික හැරල්ඩ් එඩවඩ් මසන් (Harold Edward Musson) විය.  මේ දෙදෙනාටම ධනයෙන් හා සැපසම්පතින් කිසිම අඩුපාඩුවක් නොතිබුනත්, ජීවිතයේ තෘප්තියක් ලද හැකි එකම මාර්ගය බුදු රජාණන් වහන්සේ විසින් උගන්වන ලද විමුක්ති මාර්ගයෙන් පමණක් බව වටහා ගැනීමට තරම් භාග්‍යයක් ඔවුන් සතු විය . යුද්ධයේ අවසානයෙන් පසුව  මේ දෙදෙනාම දෛවය විසින් මෙහෙයවන ලදුව 1949 වසරේ ලක්දිවට සැපත්ව දොඩම්දූව ආශ්‍රමයේ වැඩහුන් ජර්මන් ජාතික ඥාණාතිලෝක හිමිපානන් අතින් සාමණේර පැවැද්ද ලබා 1950 වසරේ වජිරාරාමාධිපතිව වැඩහුන් අති පූජ්‍ය වජිරඤාණ ස්වාමීන් වහන්සේ අතින් උපසම්පදා භික්ෂුත්වය ලබා ගත් සේක.   මුවර් මහතා ඤාණමෝලී නමිනද මසන් මහතා ඤාණවීර නමින්ද  ශාසනගත වූ සේක.  මේ ස්වාමීන් වහන්සේලාගෙන් බුදු දහමට වූ සේවය අපමණය.  ඤාණවීර හිමි හම්බන්තොට බූන්දල මහ වනයේ කුටියක් සාදා ගෙන වනසතුන් මැද සිය දිවි ගෙවීමට මහත් වූ ආශාවක් දැක්විය. 
ඒ ඤාණවීර කුටියේ උත්පත්තියයි.  උන්වහන්සේගෙන් පසුව මේ කුටිය තුල ජීවත් වූවන් පිලිබඳව පැහැදිලි ඉතිහාසයක් නැත.  කෙසේ හෝ ඥාණානන්ද හිමියන් විසින් රචිත පොතක සටහන් වනපරිදි මම මේ පහත සඳහන් කොටස කියවා ඇත.   ඥණානන්ද හිමි ඒ කුටියෙහි රාත්‍රිය ගත කරන අවස්ථාවෙක, අසල වනයෙහි විසූ එක්තරා අලියෙක් උන්වහන්සේට කරදර කිරීම පිණිස පැමිණ ඇත. වහාම දැල්වෙමින් තිබූ පහන නිවා දැමූ උන්වහන්සේ මින් පසු සිදු වන්නේ කුමක්දැයි නොදැන සිටියහ. අපේ ස්වාමීන් වහන්සේට රත්ණත්‍රය විනා වෙන පිලිසරණක්ද තිබුනේ නැත.  උන්වහන්සේ ශබ්ද නගා අනුලෝම ප්‍රතීලෝම වශයෙන් බුදුගුණ සජ්ජායනා කිරීමට පටන් ගත් සේක.  කුටිය කඩා දැමීමට පැමුණු අලියා බුදුගුණ ශ්‍රවණය කිරීමෙන් මෙල්ල වී ටිකෙන් ටික ඈතට ගොස්   බොහෝ ඇතට වී සිටි බව උන්වහන්සේග්ගේ විස්තරයේ සඳහන් වෙයි.  මේ තිරිසන් සතුන් පවා බුදු ගුණ ඇසීමෙන් ප්‍රචණ්ඩත්වය ඉවත දමා සංසුන් වන බව දක්වන කදිම නිදසුනකි.
තවද, මේ මෑතකදී දිඹුලාගල තෙරණුවන් අලලා පුවත් පතක පලවූ සටහනකි.  උන්වහන්සේ දිඹුලාගල සොයමින් වනයේ සැරිසරන විට අහම්බෙන් කොටියකු සිටින ගුගාවකට ලංවූසේක.  උන්වහන්සේ හා පැමිණි පිරිස (ආදි වාසී ජනතාව සහ ඒ ගම් වාසීහුහිස්ලූ ලූ අත දිව්වේ හදිසියෙ දුටු දැවැන්ත කොටියක් ගුහාවක සිටිනු දැකීමෙනි.  උන්වහන්සේ නොපැකිල කොටියාට මුහුන  දුන්නේය.  වනපෙත තුල දෝංකාර දෙන පරිද්දෙන් බුද්ධ මන්ත්‍රය සජ්ජායනා කල දිඹුලාගල තෙරණුවෝ  බුද්ධ මන්ත්‍රයේ මන්ත්‍ර බලයෙන් කොටියා පලවා හැරියේය.
බුදු දහමෙහි හරය වනුයේ පරපණ නොනැසීමත්, නොදුන් දෙය නොගැනීමත් ශීලාචාර ලෙස ජීවත් වීමත්ය. මේ ශික්ෂාපද යමෙකුන් රකින්නේද ඒ තැනැත්තා සොබා දහම විසින් රකිනු ලබයි. කොපමණ අවි ගෙන ගියත් ඒවායින් විනාශයක් මිස වැඩක් සිදු විය නොහැක.
මේ හැර වනගතව වෙසෙන ස්වාමීන් වහන්සේලා කොපමණදැයි සංගනනයක් කර නොමැත.  නමුත් කවදාවත් භික්ෂූන් වහන්සේ නමක් වන සතෙකුට බිලි වූ බවක් කවදා වත් අපට අසන්නට ලැබී නැත.  මේ මේ සිදුවන්නේ  අපේ ශ්‍රී ලංකාවේය.  ථෙරවාදී බුදු හහම පවත්නා වූ රටවලින් මීට වඩා විස්මය ජනක සත්‍ය කථාන්තර අසන්නට ලැබෙයි. තායිලන්තයේ විසූ  සිය ප්‍රාණය දෙවැනි කොට ශීලය සපිරූ ආචාර්ය මන් භූරිදත්ත තෙරණුවන්ට  සාරිකා නම් වූ ගුහාවේදී හමු වූ අසුරයා මීට නිදසුනකි. ඒ අසුරයා ඒ ගුහාවට අරක් ගත් ප්‍රදේශය භාර ජීවියෙකි.  භූරිදත්ත හිමි ඒ අසුරයාට වරදක් කිරීමට පැමිණියෙකැයි වරදවා තේරුම් ගත් ඒ අසුරයා භූරිදත්ත හිමි බිය කොට පලවා හැරීමට නොයෙක් උපාය යෙදීය. මේ බව උන්වහන්සේගේ චරිතාපදානය කියවීමෙන් අවබෝධ කරගත හැක. ප්‍රථම වරට ඒ අසුරයා උන්වහන්සේ භාවනා කරද්දී දිස් වූයේ අඩි තිහක් පමණ උස රෞද්‍ර පෙනුමෙන් යුත් කෙටේරියක් අතින් ගත් මහා යම පල්ලෙක් විලසටය.  (දැනට සිංහලට පරිවර්තනය කොට ඇති මේ පොත කියවන්න. නමුත් භූරිදත්ත හිමි තමා තෙරුවන් සරණ ගිය බෞද්ධ ශ්‍රාවකයෙක් බව දැන්වීය.   තමා මේ ගුහාවට පැමිණියේ භාවනා කිරීමට මිස එය අයිති කර ගැනීමට නොවන බව උන්වහන්සේ අසුරයාට පැවසුවේය.  එසේම තෙරුවන් සරණ ගිය උන්වහන්සේ වැනි බුද්ධ ශ්‍රාවකයෙක් නැසීමෙන් ඒ අසුරයා මහත් පාප කර්මයකත්පත් කරගන්නා බවත් එයින් අපායෙහි ඉපිද ඉමහත් දුකක් විඳිනා බවත් ඔහුට දැන්වීය. උන්වහ්න්සේගේ පිලිතුරට සාවධානව කන්දුන් අසුරයාගේ රුවද බලා සිටියදීම වෙනස් විය.  මුලදී රෞද්‍ර වේශයකින් සිටි ඔහු සුදු හැඳගත් උපාසකයෙක් වී කෙටේරියද පසෙකට ලෑවේය. භූරිදත්ත හිමි සාක්ෂියට තබා හේ තෙරුවන් සරණ ගියේය. 
   එසේම භූරිද්ත්ත හිමියන්ගෙන් ධර්මය ශ්‍රවනය කිරීමට දෙවි දේවතාවුන් පැමිණි බව උන්වහන්සේ සඳහන් කොට ඇත. ඒ දේවතා වර්ගද නා නා ප්‍රකාරය.  මෙලොව වෙසෙන වෘක්ෂ දේවතාවුන්, චාතුර්මහාරාජික, තාවතිංස ආදී දෙව් ලෝ වලින් පැමිනෙන දෙව් දේවතාවුන් වශයෙන් නොයෙක් දේව සමූහයා උන්වහන්සේ වෙත පැමිනි බව උන්වහන්සේ පවසා ඇත.   උන්වහන්සේ ඒ දෙවි දේවතාවුන්ගේ සාකච්ඡා මගින්  මනුශ්‍යයන්ගේ  ඇත් දුර්වලතාවන්ද,පැහැදිලි කොට ඇත. 
සාමාන්‍ය මනුශ්‍යයෝඉතාමත් අපිරිසිදු බව ඒ දෙවි දේවතාවන් ප්‍රකාශ කොට ඇත.  ලෝකයේ වෙසෙන මනුශ්‍යයා ඉතාමත් පාපී දිවි පෙවෙතක් ගත කරන නිසා ඔවුන්ගෙන් දුර්ඝන්ධය හමන බවත් ඉතාමත් අශිෂ්ට බවත්, විශ්වාස කල නොහැකි බවත් ඔවුන් වදාරා ඇත.  එවන් මනුශ්‍යයන් සමග කිසිම සමාගමක් පැවැත්වීමට නොහැකි බවත් ඒ නිසාම ඔවුන්ගෙන් ඈත් වී සිටින බවත් දන්වා ඇත.  ඉතාමත් කලාතුරකින් සිල්වත් මනුශ්‍යයෙක් හමුවන බවත් , එවිට ඒ මනුශ්‍යයා සමග සබඳ කම් පවත්වන බවත් ඒ දෙවිවරු දන්වා සිටියහ.  අපිරිසිදු යන්නෙන් 
අපිරිසිදු යන්නෙන් අදහස් කරන්නේ ඔවුන් බොරු කියන සත්ව ඝාතනය කරන, වැරදි සොරකම් කරන වැරදි කාම සේවනයේ යෙදෙන, මත් ද්‍රව්‍ය භාවිතා කරන අධමයින් රැලක් බවයි.  රට පාලනය කරන්නේද ඔවුන්ම නිසා කිසිදා යහපතක් නොවන බවයි. 
කරුණු මෙසේ තිබියදී ලෝක විනාශය ගැන කියනුම කවරේද?

Sunday, March 18, 2012

කාරුණික නිවේදනයයි


කාරුණික දැන්වීමයි....

2010 වසරේ අගභාගයේ මාර්ග ඵල සහ නිවන ඉතිහාසගත සිදුවීම් පමණක් නොවේ, යනුවෙන් යටගිය දවස යන මගේ බ්ලොග් සටහන ආශ්‍රයෙන් මට සටහන් කීපයක් පලකෙලෙමි.  ලංකාවේ පවතින බුද්ධාගම අනුව එහි ඇති කරුණු සංසන්දනය කල නොහැක.  මෙය පලකිරීම් වස් මට නොයෙක් දෙසින් දෝශාරෝපන එල්ල වීය. නම්ත් ඒ අවස්ථාවේදී මට මා හැර සහයෝගය දීමට කිසිවෙක් ඉදිරිපත් මොවූහ.  ඒ නිසා මා පටන් ගත් එම කාර්යය අවසන් නොකෙලෙමි.  මගේ මතකයේ අන්දමට එක්තරා පේරා දෙනියේ විශ්ව විද්‍යාල ශිෂ්‍යයෙක් මට බුද්ධාගම විකෘති නොකරන ලෙස තර්ජනය කෙලේය.  ඔහු නමින් ජීවන්ත විය.   නමුත් එපමනෙකි.  ඔහුගේ ගර්ජනාව පුස්සක් බවට හැරී මා ඇසූ ප්‍රශ්න වලට කිසිදු පිලිතුරක් නොලැබී ගියේය. 
මා මේ සටහන ලිවීම සඳහා උපයෝගී කොටගත් පොත දැන් සිහලට පරිවර්තනය කොට  නොමිලයේ ලබාගත් හැකිය.  එය කියවීමෙන් ඔබගේ සියලු පැන වලට පිලිතුරු ලබා ගත හැක.  මේ යොමුව ඔස්සේ ගොස් ඒ වටිනා පොත ලබා ගන්න.  එය කියවා ඔබට පිලිගත හැකි නම් පිලිගන්න.  පිලිගැනීමට අකැමැති නම් සසර තවත් දිගුකරගෙන ගමන් කරන්න.  ඒ ඔබගේම නිගමනයයි.


forestdhamma.org

Books » සිංහල (Sinhala)

Other languages:

http://www.forestdhamma.org/ebooks/sinhala/covers/dropshadow/Acariya_Mun__A_Spiritual_Biography-sinhala.jpg
අති උත්තම ආචාර්ය මන් භූරිදතත
By: ඉංගී‍්‍රසි භාෂාවෙන් සිංහලට
නවීන තායි බුදු දහමේ අති ශ්‍රේෂ්ඨ පුද්ගලයා ලෙස පූජණීය ආචාර්ය මන් භූරිදතත හිමි ප‍්‍රසිද්ධ වී ඇත. උන් වහන්සේගේ ජීවිත කාලයේදී දස අත පැතිරී ගිය ගුණ සමුදාය වූයේ ප‍්‍රධාන වශයෙන් උන් වහන්සේ තුළ පැවති අසාමාන්‍ය ධෛර්යය, තපස සහ තම අනුගාමිකයින් වෙත දැක්වූ ප‍්‍රබල විනය ගරුක භාවය වේ. පරිනිවීමෙන් දැන් වර්ෂ 50ක් පමණ ඉක්ම වී ඇතත් බෞද්ධ ජනතාවගේ ගෞරවණීය පිළිගැනීමේ විශිෂ්ටත්වයක් ඇත. එනම් බුදුරජාණන් වහන්සේගේ ආර්ය පර්යේෂණය තුළින් ජීවිත පරිනාමය වූ අපූර්ව සිද්ධිය මුන්වහන්සේගේ ජීවිත පරිනාමයේ ද දැක ගත හැකි බවය.
Download:
http://www.forestdhamma.org/ebooks/sinhala/covers/dropshadow/Mae_Chee_Kaew-sinhala.jpg
සිල්මාතා කායිව්
මෑත කාලයේ පහළ වූ රහත් තෙරණිය
By: Bhikkhu Dick Sīlaratano
මෙම පොත තම ජීවිත කාලය තුළ දී ම, බොදු මගෙහි හිනිපෙත්තට මගිය ස්ත‍්‍රියකගේ ජීවිත කතාවත්, ඇගේ භාවනා පුහුණුවත් හුවා දක්වන්නෙකි. ඇය හැඳින්වූයේ මයි චී කායිව්නමින් ය. මයි චී කායිව් කුඩා අවධියේ සිට ම ආධ්‍යාත්මික ජීවන රටාවකට හැඩ ගැසෙන බවක් ඇයට ම දැනුණි.ඇගේ ජීවිත කාලය තුළ, එවකට කීර්තියක් ඉසිලූ කම්මට්ඨානාචාර්යයන් මුණගැසීමට ඇය වාසනාවන්තියක් වූවාය. ඇය ඔවුනගේ උපදෙස් තදින් හදවතටගෙන දැඩි උද්‍යෝගයකින්, තම ප‍්‍රතිපත්ති පුහුණුවට එකතු කර ගත්තීය.
Download:
රහතුන් වහන්සේලා තවමත් ලොව පහල වෙති.  පාර්ලිමේන්තුවට ගොස් කුණුහරුපයෙන් බැණගන්නා දුස්සීල මහනුන් සිටින රටක රහතුන් නැති බවද, සත්‍යයෙකි.



Wednesday, March 7, 2012

රූපයට රැවටෙන්න එපා


රූපයට රැවටෙන්න එපා.

1960 දශකයේ අඩ නිරූප චිත්‍රපට ලෝකයේ කිරුලු පලන් නිලියක් හිටියා.  ඒ දිනවල ඇයගේ චිත්‍රපටයක් නොබැලූ කොල්ලෙක් නැති තරම්.  ඒ චිත්‍රපට නිෂ්පාදකයන්ට අවශ්‍ය වූයේ එයින් ලැබෙන මුදල් සම්භාරය පමණයි.  සමාජයට එයින් කිසිම සෙතක් උනේ නැහැ. දැනට වුවත් සිටින කාමාතුරයන්ට මෙය පෙනෙන්නේ වෙනස් අන්දමකට විය හැකිය.   ඒ සියල්ලටම ඒ අවස්ථාවෙ බුදු බණ අම්තක වුනා.  සියවසකටත් වඩා අඩු මේ මනුශ්‍ය ජීවිත නිති පතා වෙනස් වනබව කාටත් අමතක වුනා.  එදා සියොළඟ නිරුවත විදහා පාමින් රාගයෙන් ලොව කුල්මත් කල ඒ නිලියගේ අද හැඩ රුව අනෙක් පින්තූරයෙන් බලා ගන්න.  සත්‍යය පිලිබඳව විචාරාත්මකව සිහිකරන්න. සියලු දේ අනිත්‍යය යන අගනා බුදු වචන සැඟවී ගියත් අවසානයේ එය මතු වෙන හැටි මෙයින්ම දිස්වේ.. මේ අප හඇමටම පොදුවේ සිදුවන මෙසින් ගැලවී සැඟවීමට තැනක් නොමැති සත්‍යයකි.   මේ නිලියගේ නම බ්‍රිජට් බාර්ඩෝය. (Bridjit Bardo)


Thursday, November 24, 2011

දෙවැනි ලෝක මහා යුද්ධයේ ප්‍රථම ආඥාව...


දෙවැනි ලෝක මහා යුද්ධයේ ප්‍රථම ආඥාව...

1939 වසරයි.  බල කාමයෙන් උමතු වූ නාසි වාදී උන්මත්තකයෙක් වූ ඇඩොල්ෆ් හිට්ලර් අහිංසක ජර්මන් යුදෙව්වරු  මිලියන ගනනක් මරා දමා, ලොව දෙවනත් කිරීමට සූදානම් වී ඊට අර අඳිමින් සිටි අවිනිශ්චිත අවස්ථාවකි මේ.  . ඒ වන විට පවා ජර්මනියේ විසූ යුදෙව්වන් විශාල ප්‍රමාණයක් ඝාතණය කොට තිබිනි. 

යුද්ධය ආරම්භ කිරීමට හිට්ලර් තෝරා ගත්තේ දුර්වල රාජ්‍යයක්ව පැවැති අසල් වැසි පෝලන්තයයි.  ඒ සඳහා ඔහු සැලසුම් කලේද කූට උපායක් මගිනි.  පෝලන්තය ප්‍රථමයෙන් ජර්මනිය ආක්‍රමණය කල බවට ඔහු ලෝකයට ඒත්තු ගැන්වීමට තැත් කලේය.  ඒ වන විට ජර්මනිය යුද ටැංකි තනන්නේත්, ප්‍රහාරක අහස් යානා නිපද වන්නේත් කා උදෙසාදැයි එංගලන්තයේ චර්චිල් නිරතුරුවම ප්‍රශ්න කලේය. 

පෝලන්තය ආක්‍රමණය කල යුතු බවට හිට්ලර් රහසිගත ආඥා පත්‍රයක් නිකුත් කරන්නේ මේ සමගය.  1939 වසරේ අගෝස්තු මාසයේ යම් දිනක ලියැවුනු මේ ලියවිල්ල කෙසේ ඉතිරිවූවාදැයි කිසිවෙක් නොදනිති.  යුද්ධය අවසානයේදී නාසීහු සියලු යුද ලිය කියවිලි පුලුස්සා විනාස කර දැමූහ. 

මේ ලියවිල්ල ජර්මන් නාවික හමුදාවට අයත් බව සැලකේ.  කෙසේ හෝ මෙය මිත්‍ර ජාතීන් අතට පත් විය.  නිවුරම්බර්ග් නඩු විභාගයේදී  මේ සටහන C-126-G වශයෙන් නම් වී ඉදිරිපත් කරන ලදී.

 මෙය ලියා ඇත්තේ ජර්මන් භාෂාවෙනි.     ටයිම් ලයිෆ් පොත් සමාගම මගින් දෙවැනි ලෝක මහා යුද්ධය පිලිබඳව සත්‍ය සිද්ධීන් අලලා පොත් පෙලක් නිකුත් කිරීම ආරම්භ වූ යේ 1970 දශකයේ අග භාගයේදීය. 

එතැන් පටන් දෙමසකට පොතක් වශයෙන් නිකුත් වූ මේ පොත් පෙල සමග මේ ඓතිහාසික ලියවිල්ලේ පිටපතක්ද පාඨකයින්ට බෙදා දෙන ලදී

. මේ ආඥාවේ මුල් පිටපත ලෝකයේ ඇති එකම ආඥා පිටපත වශයෙන් සැලකෙයි.   

 කාලයාගේ ඇවෑමෙන් එහි පැහැය දුර්වණ්ර්‍ වී ඇත.   ලන්ඩනයේ යුද කෞතුගාගාරයේ මෙහි මුල් පිටපත සුරක්ෂිතව තැන්පත් වී ඇත.

යුද්ධයෙන් පැරදී ගෙන එනවිට නාසීහු සිය සියලු රහස් ලියකියවිලි විනාශ කලහ.  හිට්ලර්ගේ අත්සන සහිත මේ සටහන කෙසේ විනාශ නොවී ඉතිරි වීදැයි කිව නොහැක.  .   

ඉතිහාසගත සටහනක් වශයෙන් පමණක් මා මේ සටහන තබා ගත්තෙමි. එහෙත්  ලෝකයේ බිහි වූ වියරුම උන්මත්තකයා  වන ඇඩොල්ෆ් හිට්ලර්ගේ අත්සනද එහි ඇත.  

ප්‍රථම සේයා රූ හතර ඒ මුල් පිටපතේ සේයා රූ වෙති.  ඊලඟ සේයා රූ දෙක මේ සටහනේ ඉංග්‍රිසි පරිවර්තනය වෙයි. හතර වැනි සේයා රුවේ මැද ඇත්තේ හිට්ලර්ගේ අත්සනය. 



















































































Tuesday, November 15, 2011

සම්බුද්ධ ශ්රාොවකයන් වහන්සේලා 2


සම්බුද්ධ ශ්‍රාවකයන් වහන්සේලා 2

සංජය නම් වූ පිරිවැජියාගේ විරුද්ධත්වය මධ්‍යයේ භාග්‍යවතුන් වහන්සේ හමු වීමට පිටත් වූ උපතිස්ස සහ කෝලිත නම් වූ දෙමිතුරෝ බුදුරජාණන් වහන්සේ එදා වැඩ සිටි වේළුවනයට ලඟා වූහ.  ඔවුන් ලඟා වන විට බුදු රජාණන් වහන්සේ පැවිදි සහ නොපැවිදි ශ්‍රාවකයට ධර්මය දේශනා කරමින් උන් සේක.  දුර සිටම ඒ දෙදෙනාගේ පැමිණීම දුටු බුදු රජාණන් වහන්සේ, "මේ සසුනේ පැවිදිව උත්තුංග බුද්ධ ශ්‍රාවකයින් වන්නා වූ උපතිස්ස සහ කෝලිත නම් වූ මිතුරන් දෙදෙනා පැමිණෙති" යයි ප්‍රකාශ කල සේක.  

බුදු රජාණන් වහන්සේ හමුවට පැමිණි උපතිස්ස සහ කෝලිත, උන්වහන්සේට ගෞරවාන්විතව වැඳ නමස්කාර කොට එක් පසෙකට වී හිඳ ගත්හ.  අවස්ථාවක් ලද විට ඒ දෙදෙනම   "ස්වාමීනි අපට ඔබවහන්සේ යටතේ පැවිද්ද දුන මැනැව"යි පැවිද්ද ඉල්ලා සිටියහ.  "භික්ෂූනි, එව, ධර්මය මනා සේ දේශනා කොට ඇත. ඒ දහම අනුගමනය කොට සසරින් මිදෙන්න" යයි ඒහි භික්ෂු ප්‍රව්‍රජ්‍යායෙන් ඒ දෙදෙනම පැවිදි කර වූ සේක.  ඒ දෙමිතුරන් පැවිදි කරවූ පසු උන්වහන්සේ සිය ධර්ම දේශනය එතැන් සිට යලිත් දේශනාව ආරම්භ  කල සේක.  ධර්ම දේශනය අවසානයේ ඒ දෙමිතුරන් හැරුණු විට රැස්ව සිටි සියලු පැවිදි ශ්‍රාවකයෝ අර්හත් ඵලයට ලඟා වූහ.  ඒ දෙමිතුරන් තවම සාවක පාරමී ඥාණය නොලද නිසා අර්හත් ඵලයට නොපැමිණියහ.  පැවිද්ද ලද පසු උපතිස්ස සැරියුත් නමින්ද, කෝලිත මහා මොගල්ලාන  හෙවත් මුගලන්  යන නමින්ද හඳුන්වනු ලැබූහ.  පැවිදි වූ පසු මුගලන් තෙරුන් මගධ රට කල්ලවාල යන ග්‍රාමයේ විසූහ. පැවිදි වී සත්වැනි දින භාවනාවේ නියුක්තව සිටින විට  උන්වහන්සේට අලසකම හා ථීන මිද්දය දැනෙන්නට විය. (මේ බව අංගුත්තර නිකායේ දක්වා තිබේ (AN 7:58 ). බුදු රජාණන් වහන්සේ ඒ අවස්ථාවේ උන්වහන්සේ හමුවට වැඩම කල සේක.  චාපාල සූත්‍රය දේශනා කල සේක. 

එහි අන්තර්ගත වූයේ අලස බව හා ඨීන මිද්දය දුරු කිරීම පිලිබඳවයි.  මේ යොමුව ඔස්සේ එය කියවන්න  http://www.accesstoinsight.org/tipitaka/an/an07/an07.058.than.html

භාග්‍යවතුන් වහන්සේ චාපාල සූත්‍රය දේශනා කරද්දී සඳහන් කල ධාතු කර්මස්ථානය ශ්‍රවනය කිරීමෙන් මුගලන් තෙරුන් වහන්සේ සාවක පාරමී සම්පූර්ණ කල සේක.   

සැරියුත් තෙරණුවෝ රජගහ නුවර සමීපයේ සූකරකත ලෙනෙහි වාසය කල අතර පිඬු සිඟා පිණිස රජගහ නුවරට වැඩම කල සේක.  පැවිද්ද ලබා සති දෙකක ඇවෑමෙන් බුදු රජාණන් වහන්සේ සැරියුත් තෙරණුවන්ගේ බෑනණුවන් කෙනෙක් වන දීඝ නාඛට දහම් දෙසූහ. සැරියුත් තෙරණුවෝ බුදු හිමි පිටුපසින් හිටගෙනම උන්වහන්සේට පවන් සැලූහ.  භාග්‍යවතුන් වහන්සේ දේශනා කල දේශනයට සවන් දුන් සැරියුත් තෙරණුවෝ ඒ ඉරියව්වෙන්ම සිට පටිසම්භිධා ඥාණයද ලැබ අරහත් ඵලයට සම්ප්‍රාප්ත වූ සේක.  දීඝ නාඛද සෝතා පන්න විය.    මේ යොමුව බලන්න.           http://www.accesstoinsight.org/tipitaka/mn/mn.074.than.html
 
එදිනම දවස ගෙවී යන කල්හි, සැන්දෑ සෙවනැලි දිගුවත්ම බුදු රජාණන් වහන්සේ මහා සංඝයා රැස්කරවා, සැරියුත් සහ මහා මොග්ගල්ලාන යන තෙරුන්වහන්සේලා අගසව් තනතුරු වලට පත් කරවූ සේක.  ඊට කලින් පැවිද්ද ලද තෙරුන් වහන්සේලා සිටියදී මේ තනතුරු සැරියුත් සහ මහා මොගල්ලාන තෙරුන් වහන්සේලාට පිරිනැමීම නිසා සංඝයා අතර නොමනාපයක් ඇති විය.  පස් වග තවුසන් හා කාශ්‍යප සහෝදරයෝ,  සැරියුත් හා මොගල්ලාන තෙරුන් වහන්සේලාට වඩා පැවිද්ද අතින් ජ්‍යේඨයෝ වූහ. මේ නිසා විශාල වශයෙන් නොවුවත් යම් කිසි කසුකුසුවක් ඇති විය.  මේ කසුකුසුව බුදු රජාණන් වහන්සේගේ කණටද වැකුණේය.  බුදු රජාණන් වහන්සේ මේ කසුකුසුව පිලිබඳව කරුණු පැහැදිලි කල සේක.

  කොන්ඩඤ්ඤ තෙරුන් වහන්සේ පෙර භවයෙක නව වරක් එකම අස්වැන්න ලද කාලයෙක දන් දුන් නමුත් අගසව් තනතුර නොපැතූ බවත්, පැතුවේ අර්හත් ඵලය පමණක් බවත් දේශනා කොට වදාල සේක.  

 එසේම, අනෝම දස්සී බුදුන් දවස සාරද සහ සිරිවද්දක යන බ්‍රාහ්මණ කුල පුත්‍රයන් දෙදෙනා (මේ භවයේ සැරියුත් සහ මුගලන්  )දන් දී අගසව තනතුරු ප්‍රාර්ථනා කල බවත් ඒ නිසා ඒ තෙරුන් දෙදෙනාට අගසව් තනතුරු දුන් බවත් දේශනා කලහ. 
(අනෝම දස්සී බුදුන්ගෙන් ධර්මය ශ්‍රවණය කල අය තවමත් දීර්ඝ ආයුෂ ඇති බ්‍රහ්ම ලෝක වල වාසය කරන්නාහ.)   
ඒ නිසා අග සව් තනතුරු ලැබුණේ ඔවුන්ගේ ප්‍රාර්ථනා අනුව බව බුදු රජාණන් වහන්සේ පැහැදිලි කල සේක.  (මේ තොරතුරු අංගුත්තර නිකායේ ටීකා වන්ගෙන් හා ධම්මපදයේ ටීකාවන්ගෙන් උපුටා ගත් බව ඥාණපොනීක හිමි ප්‍රකාශ කොට ඇත.)     
සැරියුත් තෙරණුවන්ගේ චරිතයේ උතුම් බව උන්වහන්සේ ගිහිව සිටි කාලයේදීම පැහැදිලිවම දැකිය හැක.  කෝලිතට පොරොන්දු වූ පරිදි 'ගැලවීමේ ධර්මය' හමු වූ විගස එය කෝලිතට දැන්වීය. අස්සජි තෙරුන් සංක්ෂේප කොට දැක් වූ පටිච්ච සමුප්පාද ධර්මයේ කොටසක් ශ්‍රවණය කිරීමෙන් එය අවබෝධ කර ගැනීමට තරම් මුහුකුරා ගිය නුවණක්ද උන්වහන්සේට තිබිණ.  නොමග ගිය ප්‍රථම ගුරුවරයා වූ සංජය කෙරෙහි පවා සැරියුත් හිමි දැක්වූයේ දයානුකම්පාවකි.  මේ ශ්‍රේෂ්ට වූ  උත්තුංග චරිතයෙක උපාංගයන්ය.  සැරියුත් තෙරණුවෝ, උන්වහන්සේට ධර්මය හඳුන්වා දුන් අස්සජි තෙරුණ්ට දිවි තිබෙන තාක් කල් ගෞරව දැක්වීමට තරම් නිහතමානී වූ සේක.  අස්සජි තෙරුන් හා සැරියුත් තෙරුන් එකම සංඝාරාමයක වසන අවස්ථාවන් හිදී බුදු රජාණන් වහන්සේට වන්දනා කොට ඊළඟට අස්සජි තෙරුන්ට වන්දනා කිරීම සැරියුත් තෙරුන් වහන්සේගේ සිරිතක් විය.  තමාට බුද්ධ ධර්මය හඳුන්වා දුන් ගුරුවරයා ලෙසට සැරියුත් තෙරණුවෝ අස්සජි තෙරුණ්ට උපහාර දැක්වූයේ එලෙසටය. අස්සජි තෙරණුවෝ සැරියුත් තෙර්ණුවන් වෙසෙන සංඝාරාමය හැර වෙන සංඝාරාමයක වෙසෙත් නම් අස්සජි තෙරණුවන් වසන්නා වූ සංඝාරාමය දෙසට හැරී පසඟ පිහිටුවා වැඳ නමස්කාර කිරීමෙන් සිය ගෞරවය දක්වන සේක.   
 (සූත්‍ර නිපාතයේ සඳහන් නාවා සූත්‍රයේ ටීකාවේ සහ ධම්ම පදයේ 392 වැනි ගථාවේ ටීකාවල මේ බව සඳහන් වෙයි.)   
අර්හත් භාවය ලද්දා වූ සැරියුත් තෙරණුවෝ ලොවට පෙන්වන්නේ මහඟු වූ ආදර්ශයකි.  මේ දුටු නවක තෙරුන්වහන්සේලා සැරියුත් තෙරුන්ගේ මේ උදාර ක්‍රියාව තේරුම් ගත නොහැකිව සැරියුත් තෙරණුවෝ තවමත් බ්‍රාහ්මණ ගති පැවතුම් අත හැර නොමැති බව ප්‍රකාශ කලහ.  මෙය කන වැකුනු බුදු රජාණන් වහන්සේ සැරියුත් තෙරණුවන් වඳින්නේ උන්වහන්සේගේ ගුරු අස්සජි තෙරුන් මිස වෙන කිසිවක් නොවේයයි වදාලහ.   මේ කරුණ අරභයා බුදු රජාණන් වහන්සේ නාවා සූත්‍රය ( දෙවි වරු ඉන්ද්‍ර දෙවියන්ට ගෞරව දක්වන්නා සේම මනුෂ්‍යයාද තමා ධර්මය උගත්තා වූ ගුරු තුමාට ගෞරව දැකිවිය යුතුය. වශයෙන්....) මේ යොමුව බලන්න.    http://www.accesstoinsight.org/tipitaka/sn/sn22/sn22.101.than.html
සැරියුත් තෙරණුවන්ගේ කෘතඥතාවය විදහා දක්වන තවත් පුවතක් රාධ තෙරුන් වහන්සේගේ කථාවෙන් දැක්විය හැක.  (ධම්මපදයේ 76 වැනි ගාථාවේ ටීකාවේ මේ පුවත දක්වා ඇත.) සැවැත් නුවර සංඝාරාමයේ විසූ දුප්පත් බ්‍රාහ්මණයෙක් විය.  ඒ බ්‍රාහ්මණයා ගෙවත්ත පිරිසිදු කිරීම් වශයෙන් සුළු සුළු කාර්‍ය්‍ය සංඝාරාමය උදෙසා සිදු කලේය.  සංඝයා වහන්සේලා ඒ බ්‍රාහ්මණයාට ආහාර පාන සැපයීය.  නමුත් කිසිවෙක් ඔහු මහණ කිරීමට ඉදිරිපත් නොවීය.   දිනක් කරුණාවෙන් ලොව බලා වදාරණ බුදු රජාණන් වහන්සේ ඔහුට අර්හත් ඵලය ලැබිය හැකි සේ පින උදා වී ඇති බව දුටු සේක. .    ඒ මොහොතේම සංඝයා රැස් කර වූ බුදු රජාණන් වහන්සේ  මේ දුගී බ්‍රහ්මණයාගෙන් යම්කිසි උදව්වක් ලබා ගත්  බවක් යමෙකුට මතක ඇත්දැයි විමසා සිටි සේක.  එවිට සැරියුත් තෙරුන් වහන්සේ දිනක් පිඬු සිඟා වඩින විට, මේ බ්‍රාහ්මණයා තමා සිඟමන් ලද්දා වූ බත් හැන්දක් සැරියුත් තෙරණුවන්ට පූජා කල බැව් සඳහන් කල සේක.   බුදු හිමි සැරයුත් තෙර්ණුවන් අමතා "රාධ" යන නමින් මේ දුගී බ්‍රාහ්මණයාට පැවිද්ද ලබා දෙන ලෙස පවසා සිටි සේක.  බුදු රජාණන් වහන්සේගේ අණ පරිදි රාධ තෙරුන් මහණ කල සැරියුත් හිමි කල යුතු දෑ සියල්ලම රාධ හිමියන්ට ඉගැන්වීය.  නොබෝ කලකින් රාධ හිමි සියලු කෙලෙසුන් නසා අර්හත් ඵලයට පත්විය. 
රාධ තෙරුන්ගේ අර්හත් භාවයෙන් අනතුරුව භික්ෂූන් වහන්සේලා ප්‍රසංශා මුඛයෙන් සැරියුත් හිමියන් ගැන  කථා කලහ.  බුදු රජාණන් වහන්සේ වර්තමානයේ පමණක් නොව අතීතයේදී පවා සාරිපුත්ත හිමි කෘතඥතාවය මනාව පුහුණු කල බව දේශනා කලහ. ඒ උදෙසා උන්වහන්සේ  අලීන චිත්ත ජාතකය රැස්ව සිටි භික්ෂූන් වහන්සේලාට වදාල සේක.  මේ යොමුව බලන්න.    http://jathakakatha.org/newhome/index.php?option=com_content&view=article&id=685:153----&catid=53:151-200-&Itemid=96

ඊලඟ කොටස ලඟදීම.........